Gústame ler

A miña afición pola lectura empezou, cando en 1º da E.S.O, pola segunda avaliación, a profesora de Lingua Castelá, mandounos ler "Historia de un Segundo". Gustoume moito, aínda que é unha novela romántica, e a min gústanme máis as novelas de acción, aventuras ou de misterio.

Como non teño moito tempo, leo nos cambios de clase e ás veces antes de deitarme.


Para escoller un libro vou a biblioteca e collo algún que me recomendan, ou en ocasións déixanmos os compañeiros. Gústame ler os libros de un en un, porque se les varios á vez, non te enteras de nada. Para min, a lectura é unha forma de pasar o tempo, se che gusta un libro, o tempo pasa voando.

O último libro que lin foi "El Testamento Maya"de Steve Alten. Foi o libro que máis me gustou de todos. É moi interesante e engánchate dende o principio. Agora estou lendo "El Medallón del Arconte"de Anne Laure Bondoux, que tamén é longo, pero estame a gustar bastante.




Por Pablo Domínguez, 2º da ESO

SEMANA DO LIBRO

      Os estudantes da ESO prepararon diversas actividades para festexar, por todo o alto, esta singular data.
      Destacou de xeito especial a Exposición Fotográfica que realizaron os grupos de 3º e 4º da ESO.
     Aquí tedes algunhas fotos:

      A súa obra estaba acompañada de diversos lemas sobre a lectura, a maioría propios e outros de recoñecidos autores.
     O colexio mostrou ademais, murais onde os rapaces recomendaban as súas lecturas preferidas.
Ansiada foi a presencia do escritor Alfredo Gómez Cerdá, que acudiu ó noso colexio para compartir con todos experiencias e anécdotas literarias.

Alfredo Gómez Cerdá agasalla ós seus
xoves lectores cunha dedicatoria.

Alba, Patricia G., Nerea, Laura, María, Lucía e Patricia F.
co seu libro firmado

     Finalmente, o grupo de teatro do centro, Axóuxere, ofreceu un contacontos ós alumnos de E.I e 1º de E.P. O relato titulábase A vaca que puxo un ovo.

Exposición: DíaDoLibro2012

Con motivo do Día do Libro, montamos unha exposición fotográfica no salón de actos do colexio. Estará toda a semana, para que a poidan ver pais, alumnos ou calquera persoa, de maneira gratuíta.

O material exposto, fotos e carteis, foi realizado polos alumnos do 2º ciclo da ESO, coa colaboración das titoras.

Esperamos que a visitedes, e que nos contedes que vos parece.

TERTULIAS LITERARIAS

     Aproveitando a chegada das vacacións de Semana Santa, os estudantes da ESO tiveron un encontro para o intercambio de libros.

     A biblioteca do Centro, acolleu a rapaces e rapazas que traían os títulos que máis lles gustaron para aconsellarllos ós  compañeiros.

 
   Este lugar, xunto cas bibliotecas de aula, facilitan distintas obras de todos os xéneros os estudantes, pero moitos prefiren traer as lecturas da casa.

     De calquera xeito, estes encontros literarios permiten un intercambio de impresións, que facilitan ir coñecendo os seus gustos: novela romántica, aventuras e de terror, son tal vez, as que máis atraen.
      Na tertulia falouse tamén sobre a próxima entrega do Premio Cervantes o vindeiro 23 de abril, Día do Libro. Curiosa lles resultou a vida e obra do homenaxeado, o poeta chileno Nicanor Parra, creador da corrente literaria "antipoesía".
     O encontro rematou co proxecto de ter outro durante a Semana do Libro.

Unha afición, a lectura

Boas a todos, chámome  Manoel Taxes. Eu sempre xogaba cos meus amigos ás agochadas, ao fútbol etc… pero, sempre me gustou a lectura; esa sensación  de pasar da realidade á un mundo alleo, vivir aventuras cos nosos personaxes preferidos, viaxar por mundos extraordinarios,…

Non recordo cando empezou esta afición, pero cando encontro un libro que me gusta, leo a todas horas.

Eu recoméndovos, aos que lles gustan os videoxogos, que lean "Metro 2033", a única novela da cal xurdiu un xogo para o pc, PS3 e Xbox360 co título "Metro 2033". Tamén está S.T.A.L.K.E.R. que foi una saga de xogos ilustrada nunha película.

Para min, a lectura é a capacidade de imaxinar, crer e ilustrar mundos completamente distintos, con ideoloxías distintas.

Tamén me gusta ler mentres escoito música; Hard Rock Cristiano (Skillet).

Pero paréceme excesivo o prezo dos libros, xa que como mínimo nun trimestre só os libros obrigatorios de lectura do cole, xa custan uns euros. Unha forma económica é que os alumnos acudan os préstamos da biblioteca ou intercambiar cos compañeiros. 

Por Manoel Taxes Fernández, 3º da ESO

Forges, libros e humor

Forges, un crack!! 

Antonio Fraguas de Pablo, coñecido como Forges, nado en Madrid o 17 de xaneiro de 1942, é un humorista gráfico español, colaborador habitual do diario El País.

Deixanos un comentario, recomendando algún libro que che gustara ler.